ସକାଳ ପ୍ରଣତି ଘେନ ମାଧବ

ସକାଳ ପ୍ରଣତି ଘେନହେ ମାଧବ
ସମର୍ପିତ ତୁମ ପାଦ ତଳେ
ମହାବାହୁ ହେ ହୀନ ମଣିଷକୁ
ରଖ ତୁମ ଭୁଜ ତଳେ।
ମଧୁମୟ ହେ ମନକୁ ହଜାଇ ଦିଅ
ତୁମ ମଧୁର ବଂଶୀ ସ୍ୱରରେ
ଆନନ୍ଦ ମୁଖର କର ସଂସାରକୁ
ଆନନ୍ଦମୟ ହେ।
ପୂଜା ଜାଣିନାହିଁ ମନ୍ତ୍ର ଜାଣିନାହିଁ
ଜାଣି ନାହିଁ ତୁମ ଗୂଢ ତତ୍ତ୍ୱ
ଏତିକି ବୁଝିଛି ପ୍ରଭୁ ଜଣେ ଅଛି
ରଖିବାକୁ ଏଇ ସଂସାର।
ତା'ର ଇଛାରେ ଆସେ ଚନ୍ଦ୍ର ସୂର୍ଯ୍ୟ
ଏଇ ପୃଥିବୀକୁ
ଋତୁ ବଦଳେ ଏଇ ସଂସାରରେ
ବଦଳି ଯାଏ ଜୀବନର ସବୁ।

ଭାବ ବନ୍ଧନ ୮୫
ଜୀବନ ପାତ୍ର ମୋ ଭରି ଦିଅ ଠାକୁର
ତୁମରି କରୁଣା ଜଳରେ
ପଥ ପ୍ରଦର୍ଶକ ହେ ପଥ ଦେଖାଅ
ମୁଁ ଅଜ୍ଞାନ ଅନ୍ଧାରେ ଭିତରେ।
ମାୟା ସଂସାରରେ ମତିଭ୍ରମ ହୁଏ
ପ୍ରଭୁ ହେ କ୍ଷଣ କ୍ଷଣ
କେଉଁ ବାଟରେ ଚାଲିବି ନାଥ ହେ
ଚାରିପାଖେ କଣ୍ଟାର ପାହାଡ ।
ହଜାଇ ଦିଅ ହେ ନାଥ ମନକୁ ମୋର
ତୁମରି ଭାବନା ଭିତରେ
ସବୁ ଦୂର କରିଦିଅ ଏ ମନରୁ ମୋର
ବାନ୍ଧି ଦିଅ ତୁମ ଭାବ ବନ୍ଧନରେ।
ମାୟାରେ ବନ୍ଧନ କେତେ ଯେ କଠିନ
ଫିଟୁ ନାହିଁ ସେ ଗଣ୍ଠି
ରଖ ମନ ନାଥ ହେ ତୁମରି ପାଖରେ
ପ୍ରଭୁ ହେ ଏହି ମୋର ମୀନତି।
ଦେବା ପାଇଁ ମୋ ପାଖରେ କିଛି ନାହିଁ
ସବୁ ତ ତୁମରି ଦାନ
ଭକ୍ତିର ଅର୍ଘ୍ୟ ଦେଉଛି ସକାଳୁ ସକାଳୁ
ଛାମୁ ହେ ଘେନ।
ଜୟ ଜଗନ୍ନାଥରେ ସର୍ବ ମଙ୍ଗଳ ହେଉ
ସଂସାରରେ।
ଜୟ ଜଗନ୍ନାଥ ରେ କରୁଣା ବାରି ଝରି
ପଡୁ ଭକତ ଉପରେ।

ଭାବ ବନ୍ଧନ ୮୬